犇道 Chef Ben- Cafe & Steak Bar (弦海) (Closed)

星期六就梗係訓到自然醒，醒完先搵野食，早午餐一齊食，就多左budget食好啲啲。朋友仔話不如食牛牛牛，正喎！好，坐低睇下有咩好食先。跟餐有湯，沙律菜。是日廚師發辦牛扒7oz ，由廚師推介特別部位，揀左五成熟，呢個Outside skirt 外裙， 即是橫隔膜，口感軟嫩有嚼勁，而且5成熟真係做到粉紅色嫩肉，唔錯。雖然朋友仔有兩聲咳，決定以毒攻毒，叫左黑松露醬薯條，我鍾意食粗薯條啊！又脆又有肉有口感，個黑松露醬都好香。三文魚沙律，食太多熱氣野，加番呢個沙律中和下，份量都唔少，沙律舊都好新鮮，個黑醋味道幾好。餐飲叫左雙倍特濃朱古力，仲有好大舊ceam呀，超滿足！