鮨 央泰

Open Now

Now Closed

同朋友慶祝生日，揀咗尖沙咀嘅鮨央泰Omakase，真係超正。 呢度主打江戶前風味，料理手法用心，好多食材用醬油鹽漬等技巧，入口鮮味更突出。 $1780嘅皇Sumerage套餐，包前菜刺身燒物八貫壽司，仲有玉子燒、湯同甜品。北海道慢煮水章魚係一大亮點，味道濃郁，口感柔嫩。 唔少海鮮都係時令，好似馬糞海膽、中拖羅、大拖羅，口感鮮甜又有層次。前菜嘅吞拿魚額頭同秋刀魚都令人驚喜。 湯底用咗鮮味十足嘅大和蜆，好暖胃。整體非常注重食材嘅質素同細節，難怪咁多人讚。