靠得住粥麵小館 (MOSTown新港城中心) (Closed)

約咗朋友去馬鞍山比嘢佢，之後話係附近食埋飯，經過見到這間排曬隊原來是食粥的，朋友話哩間有好多分店架，咁就即刻排隊食啦！粥品有好多選擇仲可以加A, B, C, D嘅唔同小食，幾特別唔會限定要配邊樣。午市仲有套餐揀，大多數是菜飯類。朋友點了滑牛仔肉粥加炒麵。粥底好綿吃一口有米香，滑牛新鮮唔韌，唔會吃到梳打粉味。炒麵雖然唔太大碟，但勝在炒得夠乾身唔油膩。我點了豬潤魚腩粥加咸肉糭，豬潤色澤新鮮有好多件，而魚腩兩大塊超滑夠鮮味。咸肉糭正常大細，內裡有肥豬肉同咸蛋黃一隻，綠豆蓉蒸得夠腍。