南洋 (Closed)

約朋友出去食飯梗係要揀返間舒服嘅餐廳, 今次去到一間服務好而且幾舒適嘅南洋餐廳。芒果軟殼蟹米紙卷包住好多瓜菜芒果肉嘅米紙卷, 涼涼爽口清新, 非常開胃。香茅燒春雞燒春雞上到枱, 已聞到熱辣辣 香噴噴 香茅燒雞味, 真係未食已流曬口水, 用手一絲絲撕開出嚟食, 皮脆嘅雞胸肉都鮮嫩多汁, 食到啖啖都入味嘅雞肉, 非常滋味。馬拉盞辣肉碎炒飯輕輕辣味又惹味嘅炒飯, 粒粒爽口軟熟又唔肥膩, 食埋個飯飽飽都唔覺得濟口, 再飲埋杯薄荷青檸梳打/咸檸七 真係非常滿足嘅晚餐。