廈門風味阿珠小吃店 (Closed)

哩間閩南菜館想試好來，今日專登黎哩度食土筍凍--哩個直頭係必叫嘅招牌菜，第一啖有小小washabi味，咬落除咗食倒外面個嘅jelly凍之外，D沙蟲就食唔倒有乜鮮味，口感就好似咬緊條冬蟲草咁，試下無防，好食就唔講得。福建春卷--裡面有肉碎、蠔仔、菜粒、紅蘿蔔絲、花生碎、同虎苔碎等。餡料黎講，D菜粒紅蘿蔔絲多過D蠔仔同埋肉碎好多，可能同我一向唔多鐘意食素有關，我反而鐘意食佢個塊甜甜薄薄嘅春卷皮多過佢個D。廈門章魚:老闆話哩個係廈門入口嘅章魚，返而覺得哩碟係三蝶之中最好味道嘅，好爽! 好彈牙