All Day Coffee (The LOHAS康城) (Closed)

康城開咗商場之後，越來越多食肆，最近就有一間咖啡店，想飲咖啡買舊蛋糕坐下，除咗連鎖咖啡店之外，呢一間都係一個唔錯嘅選擇。今次叫左mocha同hojicha latte，佢會用外賣杯俾你，打開蓋有拉花，唔馬虎。比較有驚喜係個焙茶，做到茶嗰種香濃既感覺，泡泡亦都好厚好密好綿👍另外揀左餐廳推介既伯爵茶芝士蛋糕同埋蘋果批過下口癮，伯爵茶芝士蛋糕口感貼近慕絲，伯爵茶味道都出到，幾creamy。另外蘋果批酥皮亦都好多層，大家都可以去試吓，支持一下小店。