焼肉 焰

Open Now

Now Closed

邊個話燒肉店一定烏煙瘴氣💁‍♀️屯門市廣場呢間新開嘅木系燒肉店座位寬敞、空氣清新、服務良好，店員主動幫忙同換網，係休息傾計嘅好地方。 菠蘿漬骨付牛肋肉🍍 $288淨係賣相都夠哂睇頭😁食落啲肉真係有啲果味，仲有少量果肉可以燒嚟食🥰 黑毛和牛上西冷 $168肉色同肉質都幾靚，熱食時脂香同肉味平衡，脂香唔會太搶。 上和牛牛舌（中） $238口感帶啲爽口，有適量牛味，份量對2人嚟講都幾多😊 雞肉拼盤 $118調味剛好，雞肉都幾嫩🥰 生蛋拌飯🍳 $29如果唔怕腥嘅話，生蛋拌飯喺食燒肉時可以提供下小小水份，無咁易刮喉同埋有個balance 沙律🥗好清新，伴有啲熟蛋，感覺唔錯 白桃梳打🍑 $36 沖繩菠蘿梳打🍍 $36兩杯都大杯同靚，唔太甜，有少量果肉。