今日呢一間位於土瓜灣嘅懷舊Cafe。平時我跑步都會經過呢度，佢裝修帶有一種六十年代花樣年華既感覺。最特別係佢地主打食材竟然係日本🇯🇵和牛🐮。
我個人最推薦「火炙半熟鹿兒島和牛燒肉定食」，薄薄和牛被火槍輕輕燒過，慢慢滲出油分，做到入口即溶效果🥰！和牛牛味香濃，又帶點火炙既焦香，令人留哂口水🤤，隨餐附上柚子鰹魚汁，味道變得豐富又能去除油膩感👍🏻！
石垣島和牛比較厚身一點，食落同樣富有油香、牛味！和牛咖哩採用日式咖哩，味道既香濃又甜甜地，加埋牛肉油分，特別吸引！不過米飯用左五穀米，所以如果只點燒肉定食既朋友，食時會有點乾😐！
餐廳係食物質素同裝修的確做得出色。但可惜服務表現唔理想，操心大意😕！店員係入座前未有講清楚設最低消費規定同餐牌上未能提供菜式，以致經常有誤會發生。埋單時至講明每人需要單點一杯飲品，耽誤了行程！飲品質素一般，賣$50-70。店員介紹餐牌時自己表示唔清楚和牛部位，顯得對菜式欠認識😐！我亦唔明白店員經常搶走餐牌，令對餐廳印象轉差😔！
除此之外，其他顧客亦不顧及他人，講野好大聲，氣氛變到上海菜館咁😢，店員無阻止，更一齊傾.......，真破壞整間店花樣年華氣氛。我只敢講和牛定食好食同埋呢度好適🈴️打卡📸，其他野就唔好抱有期望！
1
1
