神戶屋日韓放題

Open Now

Now Closed

好耐無黎兆萬食放題了，是晚約了朋友一聚，朋友在神戶屋book了枱，未食過呢間又黎試下先。上到黎，嘩，真係好迫呀，勁多人等位，企到無位企，空氣稀薄真係以為自己缺氧訂左枱都要等位，都等左幾耐下，兆萬嘅人流真係唔講得少。好不容易有枱了，梗係第一時間寫單，再去拎飲品，飲品好多選擇，有汽水，韓式飲品，烏龍茶等，唯店內太迫，好難行去雪櫃。第一round的刺身，好肚餓點左勁多，蝦都有好幾種，牡丹蝦，生蝦，甜蝦等，仲有三文魚，鮑片，帶子，北極貝，希靈魚，蟹柳，象拨蚌等，刺身厚切，都好新鮮，但有幾樣少許雪味，可接受的。卷物有辦有眼，牛油果軟殼蟹好味。蒜香一口牛好味，啖啖牛油。炒魷魚好入味。麻辣鴨舌，好入味好麻好辣，哈哈，意外地好味喎。蕃茄沙律，用麻醬的，正。凱撒沙律，不太喜歡呢個沙律醬味。仲點左火鍋，唔係話靚牛，但放題有得任食都幾正，仲有好多配料揀，菇，菜，丸，腸等。炸物只了炸香蕉同炸雪糕，但雪糕無黎到香蕉好香㗎。甜品只能一人選兩樣，不是任食有點失望，點了香芋同荔枝雪米滋，咁就計兩樣了……食物上得都算快，不過錯單漏單都幾嚴重，大概是店真的太忙，有時見店員拎錯左去隔離枱，只好在落單了。