愛上米線 (漆咸道南) (Closed)

今日試呢間好似係新開既米線 地點係其士大廈前啲 平時食米線就食開三哥同譚仔 呢間都係同事推薦架 店內裝修黑白為主 紅色櫈配綠色餐具形成顏色對比 去既時候係下午茶時間 比較少人 菜單款式都幾多 除左米線仲有小食 串燒同鹵水落單後要即時比錢 除左現金 有信用卡八達通alipay等等 都幾方便 叫左呢碗酸菜魚米線 份量都多 而且魚冇泥味亦冇骨 辣度剛剛好值得一提既係職員態度好親切 會詳細解釋菜單同推薦菜式 下次幫襯會再試下其他米線 呢間比起譚仔價錢略高 但湯底同款式水準較好