牛摩 (荃灣千色匯I) (Closed)

原本諗住疫情期間食日式火鍋放題比較乾淨，所以揀左牛摩。因為唔想食咁cheap所以叫左一個貴少少嘅午市set。點知啲肉黎到品質出奇地差，每塊牛都有啡色邊，有啲連冰都未退曬，仲有啲一點點嘅黑色，食落口仲鞋過豬肉。雞肉正正常常，但係豬肉都係質素好參次。食完第一輪想叫第二輪，落左order15分鐘都未到，所以就又叫多一次，等到30分鐘，我終於忍唔住，同個女店員講:「我碟牛落左半個鐘都未到喎」，個店員竟然一句都冇答我就走左去好似我得罪佢全家咁。過左一陣終於黎左，但係黎嘅竟然係成套豬，雞，牛，我明明淨係叫左牛。而且啲肉質素同之前一樣差。配料同丸類種類唔多，冇飯，最後第一次打邊爐食丸多過牛，成間店嘅店員都冇乜心機做嘢，係咁跌野又冇禮貌，係一次好差嘅飲食體驗。