小時光 (Closed)

久聞小時光呢間位於觀塘工業區Cafe的大名，今日終於有機會親臨到訪。一到埗，已經被擺放喺門口的朱古力模型深深吸引，真係好有趣呀☺️。推門入去之後，左右兩邊放左唔同主題的舊玩具，有長頸鹿，超人等等，亦都有擺放漫畫書的書櫃。而枱櫈的設計，係以學校背景為主，見到一行行排列整齊的木枱木櫈，真係有返到小學時代的感覺。真係好佩服店主的心思，將一間餐廳由頭到尾佈置成咁有舊時代feel。約埋一班小學或者中學同學黎呢度聚下舊，gathering都係一個唔錯的選擇。講完裝修，就講下食物，我地點左兩個set lunch，分別係台式紅燒牛肉便當及酥炸排骨湯麵。坦白講，野食就比不上裝修擺設咁有驚喜，只係屬於不過不失，如果同其他做台式料理的餐廳比較，仍然有一段的距離。希望可以改善下食物的味道，咁呢間cafe真係無得輸了。