點心到 (廟街)

Open Now

Now Closed

今曰往辦公室外邊走走，走到佐敦，看到一家光亮的點心店，一於和同事入內試試看。店子的裝修整潔明亮，座位唔算太逼點心的選擇唔算太多，有基本的傳統點心，也有加了新元素的點心. 蝦餃$15（2件）這蝦餃一口一件，皮有少少韌，蝦肉餡算鮮美。以這價格，完全對位。鮮竹卷$18這鮮竹卷是上湯浸的，肉餡唔多，當中夾有蔬菜，清清地，腐皮幾滑，完全唔油膩。鳳爪$18豉汁鳳爪相當入味，鳳爪入口即化，豉汁惹味又濃郁，微微的辣，很醒胃呀。黑松露豆苗餃$25這豆苗餃賣相唔錯，味道比較素淡清新，有少少蝦肉餡料，帶有淡淡的黑松露香。叉燒腸粉$27腸粉皮幾軟滑，唔算太厚，加埋少量無乜肥肉的蜜汁叉燒餡料，配上甜豉油，味道甜香，味道唔錯。窩旦牛肉飯$32這窩旦牛肉飯真抵食，免治牛肉餅完全蓋過飯面。而且牛肉幾結實，唔多粉，口感幾彈牙爽口，滿有肉味。再加埋煎旦和甜豉油，幾好吃又飽肚。如煎旦可以半熟，那就更好了。吃了多曰午餐，簡單的點心午餐倒是滿足。