阿德廚坊 (Closed)

同朋友去完黃埔，大約四點零鐘，就和朋友找個地方坐低tea一tea。行過經過這茶記，門面幾好，便走進去。裡面幾大幾舒服，又或者係假期的關係不是太多人，大把位可以揀。這裡的下午茶餐有不少選擇，西多、三文治、粉麵以至飯都有供應，認真不錯。我叫了西多士飲凍檸茶，朋友則要厚多士和凍華田。西多士的皮雖不是很脆，但花生醬味都幾香，配以牛油和糖醬，始終是下午茶的最佳選擇。朋友也大讚佢既厚多士食得過。下午茶餐$19，假期要加一，凍飲加$2，合共$23。不算太貴，但假期要加一就不太順氣。再看有不少客食下午茶餐的飯，又幾大碟，食完可以晚飯都不吃了。