Amplifier Restaurant (花園街) (Closed)

今日約咗一個朋友去傾偈食晚飯，選擇左一間我比較鍾意嘅bar and restaurant食物質素唔錯，店員及服務態度亦都好有禮貌同你好主動。今晚嗌咗兩度小食！炸薯條同埋洋蔥圈，仲有就係意大利飯主菜，最唔少得嘅就係我最鍾意嘅生蠔，仲帶咗兩杯最愛嘅朱古力凍飲。炸薯條同洋蔥圈，炸薯條好香又脆又熱，洋蔥圈上到枱仲要熱辣辣脆卜卜，炸粉夠晒薄，洋蔥本身都夠甜！唔錯！推介大家試吓😅意大利飯，係龍蝦汁配北海道帶子，帶子好有鮮味，好大好大隻，個杯汁亦都煮得好濃味，仲要加咗菇菌在內，飯的口感，非常好👍🏻最後叫了兩杯凍朱古力🍫非常香滑，好有朱古力味，正呀☺️