一休(居食屋)日本料理 (38廣場)

Open Now

Now Closed

疫情關係少左好多出街食飯，咁岩黎到旺角想食日本野，見到呢間係朗豪坊隔離決定試試佢。前菜叫左玉子燒，上菜都幾快，而且係水準之上，蛋香味好夠!牛油果軟殼蟹卷好足料，廚師落沙律醬都唔手軟。至於壽喜燒個牛肉亦都新鮮，唔係普通快餐店既料~不過隻蛋就打均當醬汁點仲好。槍燒三色飯不過不失，刺身夠新鮮夠大份，兩個人食到呢到已經好夠飽。最有驚喜係岩鹽燒赤魚，燒得好靚仲好大條，啖啖肉得黎口感唔會鞋，送酒一流!另外值得讚既係staff態度同效率都好好，叫左好多次埋黎幫手都好nice!而家出親街食日本野都偏貴，難得搵到間性價比高仲要係旺角咁方便，有機會一定再黎!