韓膳宮 (Closed)

服務態度唔錯，見到燒烤個爐黑咗，店員即刻幫我哋清潔👍🏻環境都好乾淨$200左右就可以食到燒肉晚餐，幾抵嘅。但建議唔好升級做貴啲嘅餐，因為啲貴啲嘅肉冇乜特別，唔太好味🤣全部肉一樣味。生蠔帶子唔太新鮮，刺身建議唔好叫。但係呢個價錢可以食到呢啲嘢，仲有咩可以挑剔呢？反而啲主食，啲湯、麵食、炸物都幾正！嗰個大醬湯，絕對冇馬虎，幾驚喜👍🏻總括而言，味道都正正常常。嘢食好多選擇，午市食應該仲抵食嘅。