十八座狗仔粉

Open Now

Now Closed

十八座狗仔粉近嚟多咗好多分店，人在元朗有少少口痕，見到有一間分店都幾多人買。既然未曾食過狗仔粉，俾次機會佢，叫咗一份細碗試下。鋪頭入面有兩張枱，剛好可以坐低食。見到牆上仲貼滿晒其他推介美味，例如碗仔翅配鴨腿，今次未有位食。狗仔粉嘅賣點我覺得係個重口味湯底，同埋面頭嗰啲菜脯。狗仔粉個樣有啲似銀針粉，但質地比較接近烏冬，比烏冬再實淨少少。佢本身無乜味道，主要靠落咗鴨肉同胡椒調味嘅湯撘救。枱頭嘅辣菜脯超惹味，令成碗野有層次好多。唔好辣嘅我都落咗兩匙羹。