Comma cafe & restaurant (Closed)

好幾年前啱啱嚟火炭做嘢, 見呢間餐廳有別於工廠區的餐廳, 於是一試, 失望而回, 自此之後, 一直都冇再幫襯, 但每每經過, 都見到滿坐, 又有人等位, 莫非火炭真係冇嘢好食? 定d人要求唔高呢? 事隔幾年, 由於要farewell的豬腳建議嚟呢度食, 通常都唔會有人反對, 一來反對完要建議, 二來無謂咁唔比面豬腳, 好, 就比多次機會佢, 但點知...............雖然冇訂枱, 但我地係食早d, 所以估計佢都應該有枱, 但頭一批4個人去到, 見到眼前全部坐滿, 好彩門口附近果d全部係細枱, 大枱响入面, 仲有枱, 但個侍應話要半數先入得, 我地都未話夠半數(7個人有4個到), 佢即刻轉口話要5個人到先入得, ok, 唯有等下啦~ 到人齊入去, 咪又係比果張枱我地, 明明可以坐住等, 係都要人企响門口等, 多餘~ 呢度lunch有唔同套餐選, 有d包湯包飲品, 有d淨包飲品, 見咁高興, 梗係叫個有湯套餐啦~  吞拿魚粟米忌廉湯好似比平時果D普通忌廉湯吸引, 但第一啖飲落口, 已經聞到有d燶味, 唔知係咪d吞拿魚黏底? 如果唔係一陣燶味, 個湯又有吞拿魚, 又有粟米, 應