十兄弟車仔麵 (Closed)

好耐無食過車仔麵，嚟到呢間十兄弟，叫左碗柱侯牛四寶，食神嗱喳麵，香辣玻璃魷魚，炸墨丸同個炸雲吞。🍜牛四寶幾正，份量都算多，有金錢肚，牛孖筋，牛坑腩同牛丸，d牛坑腩閔到好淋，好易入口，牛孖筋都夠淋，有咬口，牛丸都幾爆汁，成碗麵係水準之上。😋食神嗱喳麵都唔錯，有醬爆瀨尿牛丸，辣豬紅，蘿蔔魚肚同辣魷魚，啲配搭幾夾而且夠晒惹味，呢款醬爆牛丸同牛四寶個牛丸唔一樣，佢入面再多啲餡同醬，咬落去即爆汁，好味！😎香辣玻璃魷魚就好脆口，咬落去索索聲，不過單點一份$38，我覺得份量可以多少少🤏🏻炸雲吞都OK，外皮好脆，炸墨丸入面又唔會好乾，保留返d肉汁，都幾好食😛下次可以再幫襯！