海港酒家 (Closed)

係將軍澳南翩匯坊商場地庫開左一間海港酒家飲茶🥢，開業了大概一年，裝修比一般舊既海港酒家都靚，光線充足，感覺高級了。今日同屋企人飲lunch既茶，星期日都唔使點等位😆好正👍🏼黑金流沙包係流沙奶皇包嚟嘅，但外表變咗黑金色，好型好靚🤩。中山甜薄罉有椰絲同埋花生係面頭，薄罉煎到煙煙靭靭，表皮又香脆，甜甜地的，加埋一齊好好食。香茜牛肉腸芫茜味好重，鍾意食芫茜嘅朋友不妨order試下。五香咸水角南乳豬手仔好好味，骨膠原豐富，又有少少肉食，軟骨好多，好有咬口。蘿蔔糕脆卷春捲皮入包住蘿蔔糕， 炸得好香好惹味。食物都幾好味，但樓面同收銀既職員差咗啲，個個都好似唔想做咁，語氣態度都比較差👎🏼👎🏼👎🏼。