紫來坊素食料理 (Closed)

腸胃依然唔妥，男友決定帶我食素食。小店格局，阿姐招呼親切，見我地睇好耐餐牌都無催促。點左一粥兩菜，但份量唔細，最後都都食唔哂。羅漢齋粥－－有粟米心、草菇、髮菜同腐皮。非常清淡，岩腸胃不適既我食松子西檸鱈魚－－西檸汁做得唔錯，鱈魚塊（即係有味既麵粉）包左炸漿煎過，頗油膩，不敢多吃。松子稀鬆散落魚塊上，要一粒一粒夾黎食。怡香茄子豆腐煲－－上桌時熱騰騰！小辣，但唔難入口，最岩送飯。菜牌上有好多望落好好食既菜式，有機會都想再試。埋單$150，坐得舒服，CWB黎講算係好好既價錢。