牛川日本和牛專門店 (Closed)

今晚試吓近期好多人都推介，呢間CP值高嘅A4/A5和牛放題～牛川。未夠6點，店內大約一半座位已經有人坐，可見都幾多人捧場。一上枱係和牛拼盤，視乎人數而每款上幾多件，之後可以隨便order自己試完又啱口味嘅牛部位，個人覺得最正係牛五花，牛小排，牛肩梅花，唔洗講，一定入口即溶加嫩滑，油脂粉嫩均勻，可以encore又encore，滿足。其次係飛驒牛刺身加玉子，一試，回味無窮。海鮮方面，甲羅燒嘅蟹膏鮮甜非常creamy，扇貝，魷魚，生蠔，虎蝦都好新鮮，絕不馬虎。其他食物有日本刺身壽司一品料理個D，都係放題常有嘅選擇，不過主攻和牛，CP值當然更高～