Dan Ryan's Chicago Grill (利東街) (Closed)

晚上既利東街的確幾靚，附近餐廳裝修都好有氣氛，Dan Ryan就充滿美國加州風情，而食物味道亦相當正宗。心思思唔知頭盤想食乜，所以揀咗個combo就唔使諗。炸洋蔥圈大大個好有滿足感，水牛城雞翼（應該係）有啲重口味，芝士炸薯皮最好食。美國菜當然唔少得pork ribs，豬肉都可以入口即溶認真堅，個sweet potato fries 出奇地好食，個人認為仲好食過炸薯皮。蕃茄肉醬千層麵好正宗，但份量對比其他菜就少左啲，5個人分得一兩啖。呢個carbonara不得了， cream cheese 毫不留手，勁濃厚， 雖然好正但食多幾啖都有啲滯， 一班friend share就最啱。super green salad 係全素食物，有牛油果，芝士同亞麻籽。送牛油配餐包，連muffin 都有。最後每人叫左杯野飲， 埋單每人300蚊左右， 對得住呢個裝修同食物質素。