入到去果然冇令我失望，成個風格非常街頭炫彩風，成個tone係藍粉紫色嘅螢光色，配以勁大嘅啤啤熊(襯返佢餐廳名)、籃球機、街機同埋夾公仔機。成間餐廳勁得意勁IGBle，我個friend簡直鍾意到不得了！💗
除咗係咁打卡之外，食物方面都見到佢落咗唔少心思。今次就叫咗四樣嘢:
- Butter X Garlic 炸雞配脆脆薯格🐣($178): 推介之選！其實佢嘅炸雞有6種口味，而我哋就揀咗Butter X Garlic 嘅配搭。炸雞咬落香脆唔油膩，呢隻口味亦都比較輕盈，配以少少芥末就已經一流。而且份量都唔少，我哋兩個爭啲食唔晒🙈
- 辣炒小章魚五花肉🐙🐷 ($158): 嚟得諾士佛台梗係要飲吓酒，而飲酒當然要有下酒菜啦，呢度餸簡直係絕配！成道餸以韓式辣醬做base，小章魚咬落煙煙韌韌，五花肉豐盈多汁，配以冬菇同埋少少菜，簡直滋味到爆呀😋
- First Crush 粉紅岩鹽荔枝特調🍸($78): 成杯飲品好粉紅亦都有好香嘅果味，而少少岩鹽亦都會附係杯沿，等你飲嘅時候有鹹鹹地同甜甜地嘅雙重口味，非常之特別！
- More than Lemonade 蜂蜜檸檬特飲🍹($68): 夏日清爽之選！酸酸甜甜即刻消解晒所有油膩同埋炎熱感，而我哋最鍾意佢嘅飲管都係粉紅色心心形狀，又靚又正呀！
總括嚟講呢間餐廳玩味濃打卡影相一流，而且佢嘅K-Pop背景音樂到選擇得幾好，下次嚟梗會帶埋個friend一齊再嚟啦🥰🥰
