焼き鳥。来 (Closed)

今日超級大雨，無帶雨傘，就快行到地鐵站，就企係鋪頭外避雨，就邊等雨，點左幾串串燒食。廚師一邊燒一邊同客人，同時都有人避雨一邊食串燒，好特別的用餐體驗，客人間又會傾計，多左份人情味。牛油燒粟米 $15粟米超級甜，又燒得剛剛好，小小焦香，半條都想再追加點多份。焦糖燒菠蘿$18 廚師細心，灑上砂糖，用火熗燒到焦糖脆脆，菠蘿又好清甜。紫蘇無骨雞翼$25令人驚嘆, 燒得好好，火喉控制得恰當。無骨一口一啖，爽，唔洗輪骨。牛肉串$28 有咬口，不會韌 ，黑椒味好香。韮菜 $15用燒汁，韮菜唔會乾。整體都好食，食完剛好停雨，3 個客人交換微笑，離開。下次加罐啤酒同朋友黎再食。