Video
Read full review
2022-10-20
45 views
尖沙咀新開咗我喜愛嘅蘇媽蘇媽，今日終於有機會試吓呢間位於加連威老道the one 對面嘅分店！蘇媽蘇媽主打馬來西亞食品，有麵有飯有小食，有特色得嚟又啱哂香港人口味！辣死你嗎配仁噹牛肉 $66名字咁得意原來係香噴噴嘅椰漿飯，配上牛肉、參巴醬、青瓜、乾魚仔、花生、蝦片、蛋，類似平時食嘅咖喱牛腩飯，但香料同配菜都好特別，唔會太辣，別有一番風味馬拉串燒三串(雞、牛、豬) $52串燒必配嘅沙嗲醬充滿豐富嘅花生粒，啖啖肉，香甜又惹味，追住食！玻璃魷魚配通菜 $58魷魚新鮮爽脆而不韌，通菜加上十分香辣的辣椒醬，低卡得嚟又刺激味蕾！椰香咖央多士 $35必點鎮店椰香咖央多士！咖央嘅香糯軟滑，配上冰凍牛油，夾在厚薄適中嘅烘底多士中，多重感受集於一塊小小多士裡，每次食完都覺得好幸福食物有特色多款選擇又好味，環境舒適寬躺，自助落單方便快捷，真係好適合香港人要求嘅快、靚、正！所以我不時都會去蘇媽蘇媽，希望愈開愈多分店！
蘇媽蘇媽主打馬來西亞食品，有麵有飯有小食，有特色得嚟又啱哂香港人口味！
辣死你嗎配仁噹牛肉 $66
名字咁得意原來係香噴噴嘅椰漿飯，配上牛肉、參巴醬、青瓜、乾魚仔、花生、蝦片、蛋，類似平時食嘅咖喱牛腩飯，但香料同配菜都好特別，唔會太辣，別有一番風味
馬拉串燒三串(雞、牛、豬) $52
串燒必配嘅沙嗲醬充滿豐富嘅花生粒，啖啖肉，香甜又惹味，追住食！
玻璃魷魚配通菜 $58
魷魚新鮮爽脆而不韌，通菜加上十分香辣的辣椒醬，低卡得嚟又刺激味蕾！
椰香咖央多士 $35
必點鎮店椰香咖央多士！咖央嘅香糯軟滑，配上冰凍牛油，夾在厚薄適中嘅烘底多士中，多重感受集於一塊小小多士裡，每次食完都覺得好幸福
食物有特色多款選擇又好味，環境舒適寬躺，自助落單方便快捷，真係好適合香港人要求嘅快、靚、正！所以我不時都會去蘇媽蘇媽，希望愈開愈多分店！
Post
