幸福班戟
我始終覺得梳乎厘班戟黎講，原味先係最試到味道，亦係最穩定之選。落單到出餐 15分鐘左右，新鮮整出嚟，顏色同賣相都保持到水準，加埋蜜糖同牛油，香氣同味道都有升華。始終都想食少少咸野，所以都叫多左另一個口味。
全麥班戟配芝士蘑菇奄列
咸班戟已經唔係到到都有，仲要係梳乎厘 Pancake 就更加少，比起甜梳乎厘班戟，咸梳乎厘班戟質地比較實淨，燕麥香味亦都好濃，自己都喜歡食燕麥，呢個濃郁香氣令我 supprise。除左疏乎厘 Pancake 仲有奄列同沙律菜，感覺健康，營養均衡。
麥盧卡蜂蜜 Roll cake
擺盤好靚都精緻，roll cake 大大件，仲有小紅莓同 granola同忌廉伴碟。Roll cake 外層有食到有麥盧卡蜂蜜獨特香味，厚度都適中，軟熟唔乾身，中間whipped cream 就稍微遜色，欠缺香滑口感，亦欠缺奶香，幸好底層有小紅莓，granola同忌廉，為roll cake提供唔始層次搭配。
