幸福班戟 (Closed)

終於都唔駛去日本，係香港都已經可以食到日本人氣Pancake店 😍😍😍餐廳開左差品多一個月，但到而家為止，都仲係好多人排隊捧場，攪到就算唔好甜品既我，都好想試一次係咩滋味😋😋今日，我同老公已經諗住朝早去食，10點半左右去到，都要等成1個鐘先入得😭😭坐位有分室內同室外，而且可以好清楚睇到pancake 製作過程😍除左有甜pancake之外，仲有鹹pancake，不過11點幾時時候、鹹pancake已經賣哂🤦🏿‍♀️🤦🏿‍♀️我就叫左幸福pancake，而老公就食朱古力香蕉pancake。朱古力香蕉pancake香濃既朱古力醬，加上幼滑既香蕉，配埋鮮滑既忌廉，味道非常夾，而且，朱古力醬配埋pancake食又唔會太甜👍🏾👍🏾👍🏾👍🏾👍🏾幸福pancake 識食一定係食原味，pancake厚厚的，但好有空氣感，食落有陣鬆軟有蛋香味，pancake 本身唔算甜，加上麥蘆卡蜂蜜牛油同焦糖漿，甜度岩岩好👍🏾👍🏾👍🏾👍🏾👍🏾