Cafe de Paris Est. in Korea (Closed)

今日去朝聖。知道銅鑼灣開左間韓國野。身為韓仔，唔係唔去呀嘛。去到間野，裝修好靚，同韓國弘大d cafe feel一樣。見到呢個士多啤梨杯，已經忍唔到手。叫左個士多啤梨杯。好快就有得食。同餐單入邊既相一模一樣！睇個樣已經好幸福。士多啤梨上邊灑滿了糖霜，好有冬天feel。食左個士多啤梨，好甜呀！同美國士多啤梨真係差好遠，韓國既士多啤梨真係好甜。食到中間，原來入邊有果醬雪糕，溝埋士多啤梨一齊食，好甜，幸福！自拍打卡就一定架啦，因為實在太靚。加埋環境同檯面既裝飾品，打卡好靚。其實一杯已經好飽，聽講入邊有14粒士多啤梨，粒粒都好甜。食到底都有士多啤梨同果醬，就快幸福到融化。下次溝女會帶佢黎呢度！