沙嗲王 (Closed)

一向都幾鍾意食沙嗲王，因為佢嘅白咖喱飯真係好出色，所以時不時都會掛住呢度，所以今次又同朋友過嚟呢度食～心心念念嘅白咖喱飯，個汁真係無得輸，豬扒都係非常之香脆，如果我都煮到就好啦呢間JR分店好似係想行年輕化嘅路線，裝修比較新潮，燈光比較充足，但係食物分量方面，可能因為碗碟比較細，唔知係咪想行精緻路線，食物分量冇舊舖咁多。牛油炸雞翼都係必點之選！真係做到外脆內軟，重點係非常之juicy!蒜蓉蝦春卷都係一個唔錯嘅小食。印度薄餅都係必點，個餅非常之鬆脆香軟，咖喱汁亦都好好食，推薦！