古早味休閒台灣 (Closed)

年尾窮到窿，想平平地食餐飯。係旺角亞皆老街呢條街，真係由細個食到大。見到寫住古早味台灣菜，就俾佢吸引入去。一到去行上樓梯，周圍都有充滿台灣特色嘅壁畫，感覺置身於台灣。炸地瓜圓 $22之前去過台灣夜市，令我念念不忘嘅就係地瓜圓，每次去夜市都必叫嘅嘢食。呢度嘅地瓜圓就冇台灣個款咁炸得咁鬆脆，反而個外皮有少少滑滑地，入面都係有地瓜糯米，感覺都特別，又冇咁熱氣。炸鹽酥雞 $38炸到外脆內軟，每一粒入邊有好多雞肉，雞肉又唔會太乾。滷肉飯 $50大大碗滷肉飯，呢度嘅豬肉係大粒嘅，豬油同豬肉嘅比例適切，撈埋食落每一啖都有滷肉嘅味道。花枝蝦餅 $38食落好有咬口，可以見到有啲墨魚同蝦係入邊，好真材實料。干扁四季豆 $58最鍾意去餐廳食四季豆，炒完中保持菜嘅鮮度，仲有啲肉碎最啱就係送飯。