明珠閣 (Closed)

行到攰，諗住搵個人少少既地方坐，見佢環境算唔錯，天氣凍去飲返杯熱茶都好，叫左碗小雲吞麵同一籠小籠包做下午茶。小雲吞麵 （$68）一上枱，勁精緻，心諗應該唔差得去邊卦，點知第一啖面，咬極都唔斷。。再試雲吞，雲吞皮滑滑的，餡既味道普普通通，略嫌真係細粒左少少，湯都係偏清淡。。整體都係好淡味。小籠包 （$36/3粒）小籠包好像比較好，皮薄湯鮮。。尤其皮，真係做到薄到透。。但餡亦只係普通水平。最敗筆都係杯茶，侍應已經提醒我要焗一陣，點知我邊食邊飲都焗左半個鐘，最後普洱既色係出左，但佢重淡口過平時茶樓飲既茶。。同滾水都無乜分別。。雖然佢收$5/位茶錢，但我寧願收貴少少，比杯有茶味既茶我好過。