森記粥店 (麗閣商場)

Open Now

Now Closed

麗閣商場個food court其實已淪落到「食之水無味棄之可惜」嘅階段，不過由於距離最近有得食，而且又方便輪椅，唔使求人幫手，所以時不時要去麗閣邨都會嚟到；今次偏偏地就試下食艇仔粥加蘿蔔糕套餐，再加多條油炸鬼，開埋單41蚊。開艇仔粥其實冇乜料，魷魚口感好差，完全唔似魷魚，個粥就好似得啲豬皮似啲樣，雖然都啲誰濕濕；而個粥底又好稀又冇米香，所以真係一次就夠。套餐之中嘅蘿蔔糕雖然都算大舊，但係冇乜味，冇咩蘿蔔亦都冇咩其他餡料，就好似食緊一團粉，真係有啲失望。套餐之外用$9加購嘅油炸鬼反而有驚喜，雖然唔系啲咩即炸油炸鬼，一啖咬落去都算脆，而且有口感，唔會淨係得面頭嗰色層。