源興正宗潮洲打冷 (Closed)

3人到太子，地鐵站D出口，一路行有很多食店，行下行下就見到源興正宗打冷舖面光猛， 門口鹵水檔又很吸引，就決定入去晚餐，我們點了鹽焗烏頭、韭菜豬紅、鹵水拼盤(大)、煎蠔餅！鹽焗烏頭是正牌元朗烏頭，證明是正牌元朗老闆連魚尾招牌都唔拆，很正，流油Size又適中。鹵水拼盤(大) 真係好大碟， 有鵝腸、生腸、豬腸、墨魚、紅腸、豬耳仔、 豬肉、鵝片是另外加的，沒有豆腐墊底，真材實料。韭菜豬紅上的蘿蔔好淋好入味， 韭菜也很多，所以無炒多碟菜。意想不到是煎蠔餅，跟平時食的不一樣，這裡是三小塊疊在一起， 真係用雞蛋炸，完全唔覺得都粉，蠔很大隻。開了兩支青島，一 罐可樂。