Video
Read full review
2012-05-07
1178 views
這間餐廳老闆好有性格, 唔做晚市, 要幫襯就先預訂, 所以早一個月就訂定枱, 當晚只有要求要有牛(因為我係牛魔王), 其餘由老闆話事, 一來係我懶, 二來係個人相信好廚師係懂得不時不食, 佢會將最好的食物俾客人品嘗。餐廳環境可以, 我們十四人包場剛剛好, 頭盤係立魚刺生, 好鮮甜.跟住都係頭盤: 芒果沙律, 這個我喜歡..... 新鮮嘛然後又係頭盤, 芝士波菜焗蘑菇, 超好咪, D芝士好香, 同蘑菇非常配合跟住仲係頭盤, 薯仔香腸, 望見呢個菜無咩特別, 就問頭盤幾時食完?幾時有湯有主菜?因為都飽飽地囉,想話留D空位食主菜, 點知一食落去, d腸係香草咪, 好juice, 好好咪, 真好腸不可貌相, 我地唔駛五分鐘就連同薯仔掃晒落肚 當食完最後一條腸時, 眼前出現一大盤海鮮, 雖然不是甚麼貴價野, 只有象拔蚌, 蜆, 螺和蟹, 但就好鮮甜, 好好味,食食吓冷盤, 條脷都開始涼了半截, 大廚行出來介紹他的甘荀湯, 飲落去好舒服, 香﹑滑﹑甜; 最緊要係健康, 竟然係素湯, 我仲以為係雞湯煮出來添, 都唔明大廚點做,我同老闆講, 我已經飽飽地喎, 仲有咩食呀, 老闆好風趣, 你剛開始食點
餐廳環境可以, 我們十四人包場剛剛好, 頭盤係立魚刺生, 好鮮甜.
跟住都係頭盤: 芒果沙律, 這個我喜歡..... 新鮮嘛
然後又係頭盤, 芝士波菜焗蘑菇, 超好咪, D芝士好香, 同蘑菇非常配合
跟住仲係頭盤, 薯仔香腸, 望見呢個菜無咩特別, 就問頭盤幾時食完?幾時有湯有主菜?因為都飽飽地囉,想話留D空位食主菜, 點知一食落去, d腸係香草咪, 好juice, 好好咪, 真好腸不可貌相, 我地唔駛五分鐘就連同薯仔掃晒落肚
當食完最後一條腸時, 眼前出現一大盤海鮮, 雖然不是甚麼貴價野, 只有象拔蚌, 蜆, 螺和蟹, 但就好鮮甜, 好好味,
食食吓冷盤, 條脷都開始涼了半截, 大廚行出來介紹他的甘荀湯, 飲落去好舒服, 香﹑滑﹑甜; 最緊要係健康, 竟然係素湯, 我仲以為係雞湯煮出來添, 都唔明大廚點做,
我同老闆講, 我已經飽飽地喎, 仲有咩食呀, 老闆好風趣, 你剛開始食點會咁快飽呀, 我仲要上前菜俾你喎...., 燒牛肋肉同羊扒, 我無言, 唯有繼續享受, 唔....., 牛肉好有牛味, 呢個時候大廚出來介紹呢件牛係來自阿根廷, 牛味會濃D, 會啱鍾意食牛嘅人口味, 我無回答, 因為無第二個口可以用.....
Post
