東羅 泰館 (Closed)

今晚無無聊聊約個朋友出嚟食飯，大家都係觀塘返工。又知道裕民坊開咗好多間食肆。所以我地放工就去咗搵食。我地行吓行吓去到3樓平台。環境好正，有長櫈有花草。而且還有好幾間食肆。我地最後揀了東羅泰館。由於係平日，所以食客不算多。餐廳坐位都舒服的。而且還有露天可坐。因為我怕熱，所以坐室內。我地坐卡位。泰館街頭豆腐肉碎湯$48有芫荽，草菇，肉碎，豆腐煮成湯。味道不錯的。如果有多些芫荽更加好飲芒果紅菜頭米紙卷$39一碟有2件，米紙包住甘筍，青瓜，紅菜頭及芒果，味道清新有咬感。脆炸豆腐配泰式魚露$38豆腐嫩滑，如果配魚露一齊食就有另一味道。炭烤燒魷魚$46不是太大隻，有5-6件，魷魚唔韌。泰式生蝦剌身配辣青汁$78賣相非常靚，用一個木架放了6小杯刺身蝦加辣青汁，好似一杯杯酒。刺身蝦肉爽，青辣汁不是太辣。泰式香茅椰汁白咖喱雞$108雞胸肉，但唔鞋，而且與咖哩一齊食，味道可口。我地還加了一塊薄餅最後還叫了2杯飲品椰子沙沙$48好香椰子味，不甜，好飲鳳梨清新特調$48少少鳳梨味，這杯有少少失望，不是太好飲。不過整體係好味的。而且價錢唔貴，下次再去可以試其他食物。