金葉軒

Open Now

Now Closed

天氣熱到一個點，到朋友去完清水灣游水，游完水就渣車去附近既將軍澳食野！時間約7點到，已經見到差唔多坐滿人，一睇之下，就係泰菜餐廳，金葉軒！（車可以就咁停出面，十分方便睇車）由於我實在太愛泰菜，每一次我去食泰國野，其實都係叫番差唔多果幾樣菜式，今次都唔例外，叫左以下幾樣野：青木瓜沙津好fresh，口感好爽，味道酸酸甜甜，十分開胃。雜錦拼盤有很多不同選擇，樣樣都好食，係塊蝦片好似林林地。最中意佢個春卷，炸得岩岩好。冬陰功海鮮湯味道會比較辣，入面都有不少海鮮料，建議唔食得辣既，要考慮一下先叫。飛天通菜好食，不算油，有鑊氣！微辣，但完全接受到！青咖哩雞肉市面上好多青咖哩，都會比較甜，而佢就甜得黎，好香椰奶味道而且入面d料都好入味，相信煮左一段時間。炒金邊粉好食，唔叫飯既話，可以考慮叫呢樣。5個人食飯，叫左咁多野最後埋單都係一人＄102真係平靚正！