Video
Read full review
2023-09-04
570 views
朋友介紹牛頭角有間好味又抵食嘅上海菜館，趁今日放下晝，專登同個 friend 去試下。餐廳裝潢優雅，以木色系為主調，地方寬敞，座位闊落舒服，場內更設有大檯包房，好適合同一大班朋友仔嚟聚餐。細閱餐牌，食物分門別類，選擇豐富，而且每日下午 1:30-3:00 優惠時段，所有午市客飯套餐一律 8 折，非常抵食，咁筍，當然唔可以錯過。我哋點咗個雞絲粉皮同香煎窩貼，另外再加咗兩 set 客飯套餐。雞絲粉皮 ($58) 平時食海菜都好鍾意點雞絲粉皮，呢度亦做很不錯，粉皮軟身煙韌，雞絲嫩滑，青瓜清爽，麻醬香味濃郁，撈埋啲粉皮食啱啱好。香煎窩貼 ($45) 一客有 4 隻，隻隻嘅外形都好飽滿，底部煎至焦香脆口，入面嘅豬肉餡打得好鬆化，一咬爆汁。客飯套餐揀咗蔥爆牛肉飯 同 上海粗炒麵，隨餐附送例湯及豆漿一杯。是日例湯為雪耳青紅蘿蔔粟米豬骨湯，碗湯好足料，而且煲得夠晒火喉，很有家的味道。蔥爆牛肉比預期大碟，牛肉大大片，質感都幾嫩滑，軟腍入味，撈埋啲汁同京蔥一齊食，勁正。至於碟上海粗炒，水準亦一流，唔單止色水靚，而且炒得鑊氣十足，食落油而不膩，香口惹味。臨走發現原來餐廳做緊小籠包大特價，每日下午 1:3
朋友介紹牛頭角有間好味又抵食嘅上海菜館，趁今日放下晝，專登同個 friend 去試下。
餐廳裝潢優雅，以木色系為主調，地方寬敞，座位闊落舒服，場內更設有大檯包房，好適合同一大班朋友仔嚟聚餐。
細閱餐牌，食物分門別類，選擇豐富，而且每日下午 1:30-3:00 優惠時段，所有午市客飯套餐一律 8 折，非常抵食，咁筍，當然唔可以錯過。
我哋點咗個雞絲粉皮同香煎窩貼，另外再加咗兩 set 客飯套餐。
雞絲粉皮 ($58) 平時食海菜都好鍾意點雞絲粉皮，呢度亦做很不錯，粉皮軟身煙韌，雞絲嫩滑，青瓜清爽，麻醬香味濃郁，撈埋啲粉皮食啱啱好。
香煎窩貼 ($45) 一客有 4 隻，隻隻嘅外形都好飽滿，底部煎至焦香脆口，入面嘅豬肉餡打得好鬆化，一咬爆汁。
客飯套餐揀咗蔥爆牛肉飯 同 上海粗炒麵，隨餐附送例湯及豆漿一杯。是日例湯為雪耳青紅蘿蔔粟米豬骨湯，碗湯好足料，而且煲得夠晒火喉，很有家的味道。
蔥爆牛肉比預期大碟，牛肉大大片，質感都幾嫩滑，軟腍入味，撈埋啲汁同京蔥一齊食，勁正。
至於碟上海粗炒，水準亦一流，唔單止色水靚，而且炒得鑊氣十足，食落油而不膩，香口惹味。
臨走發現原來餐廳做緊小籠包大特價，每日下午 1:30-3:00，只需 $10 便可以選購兩隻，可惜今日已經食得好飽，只好留待下次再來品嚐。
Post
