呢間係兆萬上面，一上到去超多人！係平日都full晒！好彩我地等左一陣就有位～我地兩個揀左大君御膳$218
我地主力食牛同豬，要推介的是LA牛扒同牛肋骨肉！超好吃！無論味道同肉質都好好～另外我自己非常愛牛舌，兩款味道的牛舌都好吃！同埋順帶一提，佢既辣味牛肉同豬肉都唔太辣，唔食開辣既朋友都可以試下～
除左肉類，我最喜歡既燒鰻魚同燒蝦都有～呢個價錢可以任食呢ｄ野真係超超超抵！
我地仲叫左D料理食，醬油鵪鶉蛋，海鮮蔥餅，炒粉絲，仲有水冷麵！
醬油鵪鶉蛋好好味！細細粒令人食唔停咁，一定要試！
炒粉絲麻油好香，正！
我覺得燒肉熱辣辣一定要配個水冷麵！煙煙韌韌，又涼快～
同埋呢個價錢，啤酒都任飲，太正啦！！
