Video
Read full review
2021-03-30
144 views
同媽媽去咗鯉魚門探完舊街坊後，唔想返屋企煮飯，咁就同媽媽去咗鯉魚門廣場到搵食，睇水牌見到亞金喇沙就諗起對上媽媽一次食喇沙已經係好幾年前同佢去新加坡時食，於是就同媽媽提議去食喇沙，當然媽媽係唔會say no的。行到亞金喇沙，時間尚早就唔使等位，睇完一輪餐牌後決定要個二人餐再加個小食蝦餅，令外好耐都無飲過肉骨茶，所以再加多個肉骨茶。二人餐其實係包括咗香茅雞翼拼豬扒、招牌喇沙、白灼時菜同埋兩杯嘢飲。同我預計嘅一樣，都係先嚟咗兩個飲品，媽媽就點左熱檸水，而我就試咗特色飲品芒果沙冰，配芒果沙冰嘅芒果味好香。之後就嚟咗個肉骨茶，肉骨茶內有香濃嘅藥材味道，嗰舊單骨已經吸哂茶嘅味道真係好好味，而配上嘅油炸鬼仲熱辣辣脆卜卜。再講吓個香茅雞翼拼豬扒，件豬扒好鬆軟，雞翼就好香脆，兩樣都好味。蝦餅好彈牙味道就無咩特別，但菜就好新鮮呢個就係招牌喇，配料包括大大隻嘅龍蝦、蟹棒、魚片頭、魷魚圈同豆卜，未上之前職員專登幫我哋執好個枱面話個喇沙好大碗，點知嚟到真係嘩咗聲，大到成個洗面盤咁巨型呀！就算之後唔食其他嘢，我同媽媽都無可能兩個食得哂呢碗巨型喇沙。最後當然要拎個外賣盒跟埋我哋返屋企啦！又食又拎都只係$300，只可
行到亞金喇沙，時間尚早就唔使等位，睇完一輪餐牌後決定要個二人餐再加個小食蝦餅，令外好耐都無飲過肉骨茶，所以再加多個肉骨茶。
二人餐其實係包括咗香茅雞翼拼豬扒、招牌喇沙、白灼時菜同埋兩杯嘢飲。
同我預計嘅一樣，都係先嚟咗兩個飲品，媽媽就點左熱檸水，而我就試咗特色飲品芒果沙冰，配芒果沙冰嘅芒果味好香。
之後就嚟咗個肉骨茶，肉骨茶內有香濃嘅藥材味道，嗰舊單骨已經吸哂茶嘅味道真係好好味，而配上嘅油炸鬼仲熱辣辣脆卜卜。
再講吓個香茅雞翼拼豬扒，件豬扒好鬆軟，雞翼就好香脆，兩樣都好味。
蝦餅好彈牙
味道就無咩特別，但菜就好新鮮
呢個就係招牌喇，配料包括大大隻嘅龍蝦、蟹棒、魚片頭、魷魚圈同豆卜，未上之前職員專登幫我哋執好個枱面話個喇沙好大碗，點知嚟到真係嘩咗聲，大到成個洗面盤咁巨型呀！就算之後唔食其他嘢，我同媽媽都無可能兩個食得哂呢碗巨型喇沙。
最後當然要拎個外賣盒跟埋我哋返屋企啦！
又食又拎都只係$300，只可惜唔係住油塘，住油塘嘅居民真幸福。
呢到嘅職員真係好有禮貌，值得一讚。
Post
