味道樂居酒屋 (元州街) (Closed)

估唔到長沙灣都有居酒屋小店。今日家人冇煮飯，就外出食咗個豐富晚餐。先來個前菜，見到餐廳話喺openrice follow 咗就有得食黑松露溏心蛋。雖然係送嘅但質量唔差，蛋白入味，蛋黃煮得啱啱好夠溏心，配埋黑松露令到個蛋嘅味道更加濃。小菜-煙肉櫻花蝦煎廣島蠔蠔夠大隻，櫻花蝦落得毫不吝嗇，配埋煙肉、葱粒，幾得意嘅一味菜。媽媽鐘意食鰻魚飯，見到今次個鰻魚咁肥大佢好開心，份量太大比較啱多人分享。鰻魚肉厚實，鰻魚飯上都有淋上鰻魚汁，唔會太乾。外表望上去好似一舊大壽司。壽司方面memu有好多唔同選擇。火炙左口魚邊壽司有兩件但份量係一件壽司嘅大細。左口魚邊入口即溶好好食。汁燒大白鱔平日較少食到串燒白鱔，肉質彈牙，醬燒魚皮好有口感。鐵板香煎厚切煎牛舌有驚喜，因為牛舌夠厚同埋煮得都腍，配埋炸蒜片食好香口。