滿小館 (Closed)

係尖東想食燒味飯滿小館應該都算係數一數二，滿小館一般以食中或小菜為主，但大家又知唔知道其實佢有個隱藏限時外賣部係出面，限時外賣部在滿小館出面既後面街有個小舖位。名字叫「滿檔」限定時間星期一至五平日早上11點至三點，主要提供每日唔同既午餐、燒味飯及小食。今日我自己就先叫一個佢哋既招牌燒味飯「叉燒脆皮燒肉雙拼飯」再加個小「麻辣味燒賣」同埋「冷泡桂花烏龍茶」，三樣嘢加埋都只係$67，抵食到喊！一同事就叫咗個午餐「咸魚蓉雞粒炒飯」先講個炒飯，炒飯唔係即炒，但都保持到個溫度。味道係好味既，可能始終都係餐廳級既廚房製作，香口惹味但食完無口渴感！！讚！到我個燒味飯喇，基本同堂飯味道無咩唔同，燒肉皮都仲係脆口，燒賣都非常好食，燒賣本身係正常好食魚肉燒賣口感，但係正在個麻辣汁，小麻開胃。食完麻辣燒賣飲埋個冷泡茶清一清口腔。我覺得咁叫呢個外賣絕對係完美組合，我絕對會間唔中再幫襯！正！