好朋友帶左我黎尖沙咀既呢間樓上法國菜
環境典雅高貴💎座位舒服
每一枱都有透明燈光點綴
放左工好攰黎呢度咁既環境，傾計都細聲左，
淨係想靜靜地享受美食😊
餐前麵包
唔洗講首先登場既一定係麵包😂
兩個人四件，每人share兩塊啱啱好，
點上醋同橄欖油酸酸地特別開胃
西班牙辣肉腸沙律配柚子蜜醋
沙律菜同辣肉腸配搭得幾好，
清新既菜中和辣肉腸既鹹香味
不過例牌我都係唔鍾意食草🙈
白酒牛油汁煮紐西蘭托托蜆
好鍾意呢個托托蜆😍
牛油味香之餘托托蜆好多隻厚肉😋
反而白酒味就冇咁出啦
大家鍾意既話仲可以飲少少牛油白酒汁
法式龍蝦湯
朋友點的龍蝦湯
試左一啖，味道濃郁而且又唔會太咸
黑松露蘑菇湯
香氣撲鼻既黑松露味❤
味道冇龍蝦湯咁重，蘑菇粒blend得幾碎
飲落好滑又creamy，份量都幾飽
青蘋果雪芭
清一清口腔既味道就開始食主菜了
煎封法國油鴨脾配雜莓汁
識食油鴨脾一定係食佢既皮😎
除左肉質之外，
鴨皮煎得香同脆都好重要架😍
加埋雜莓汁既鴨脾，女仔唔洗怕太油太膩啦
酸酸甜甜 唔錯
法式龍蝦燴意大利飯
平時都係男朋友拆肉，
而家有個識拆肉既朋友真係好😂
龍蝦肉好易起到，蝦肉彈牙，
意大利飯係偏向西式既煮法，飯粒微硬喔
講過無數咁多次，
有甜品做ending先係完美既晚餐😋😂
朱古力心太軟伴雪糕
朱古力漿湧出黎既畫面好治癒😙
配雲尼拿味雪糕冷熱交融
法式焦糖燉蛋
creme brulee永遠係甜品既首選😍
蛋味重，不過鋪面的焦糖有點兒太厚
薄身d唔會太甜喔
整體好滿意，環境美食唔錯之餘服務質素好好👍
