那個ㄋㄚˋ ㄍㄜ (將軍澳中心)

早幾日食左西餐，今次食台灣野，朋友介紹將軍澳呢間那個唔錯，抵食又樣樣水準平均，去到已經要係出面排隊喇，好在我地等第二張就得，除咗入坐，仲有好多人等外賣。

主食叫左個紅燒牛腱湯麵，想試多啲其他野，個麵加底share，牛腱厚身大大塊好夠林同入哂味，湯底另上，好有台灣味道。
跟餐$15仲有杯黑糖波霸奶茶，好多珍珠，覺得比平時既大杯啲添，物有所值呀。
小食叫左鹽酥雞 & 澎湖起司花之蝦餅，都好食喎，大人細路一家大細都啱食。

食到飽哂仲攞走先二百幾蚊咋，下次再黎，好多野食仲想試呀。