Video
Read full review
2022-06-21
498 views
網上流傳兆慢食廈係全港劣食之最，打手唱好多，被行家唱衰都多，實情如何？今日就帶著戰戰兢兢一試。吸引光顧原因主要是午市放題時間夠晒長，一班準備登六的休閒人士，趁著閒日無事忙，準時12點入閘，食左3個鐘，再Hea坐吹水多個幾鐘，1630才拖著肚滿腸肥離場。極上帝王和神戶屬同門店，明明是光顧極上，但侍應制服卻大大隻字寫神戶，有點攪笑，早知就吾使將兩間店係Openrice互相比較啦！日式放題店的特色總是座位逼，幸好我們選擇非繁忙時段，五個人坐8人座位，非常鬆動。廁所超細只得一格，乾淨的，但估計晚市旺場，排隊和衞生一定難應付需要。侍應都係後生仔女，可能經訓練教育，周不時貼心地問候有冇漏單，會即時補返，而實際漏單比例很少。閒日光顧有著數，起碼招呼和品質都有保證。食物方面，話明日式放題，當然要評分刺身水準啦！又新鮮喎！網上有負評話刺身係梅嘅？我反對。最靚刺身係有頭赤虾，好大隻好新鮮，朋友臨尾last order 突然點了5隻安歌，有圖為証。其他刺身就正正常常啦！其他驚喜食品包括冰震菠蘿，好甜好正。牛舌厚切都好Juicy吾un，也安歌了幾轉。天婦羅、炸物、雞翼、三文魚骨腩、泰式炒虾等就差少少了，行貨水
極上帝王和神戶屬同門店，明明是光顧極上，但侍應制服卻大大隻字寫神戶，有點攪笑，早知就吾使將兩間店係Openrice互相比較啦！
日式放題店的特色總是座位逼，幸好我們選擇非繁忙時段，五個人坐8人座位，非常鬆動。廁所超細只得一格，乾淨的，但估計晚市旺場，排隊和衞生一定難應付需要。侍應都係後生仔女，可能經訓練教育，周不時貼心地問候有冇漏單，會即時補返，而實際漏單比例很少。閒日光顧有著數，起碼招呼和品質都有保證。
食物方面，話明日式放題，當然要評分刺身水準啦！又新鮮喎！網上有負評話刺身係梅嘅？我反對。最靚刺身係有頭赤虾，好大隻好新鮮，朋友臨尾last order 突然點了5隻安歌，有圖為証。其他刺身就正正常常啦！其他驚喜食品包括冰震菠蘿，好甜好正。牛舌厚切都好Juicy吾un，也安歌了幾轉。
天婦羅、炸物、雞翼、三文魚骨腩、泰式炒虾等就差少少了，行貨水平。
飲品種類都多，個人喜歡韓式飲料，茘枝汽水和椰子水第一次飲，都幾好。雪條款式都多，都係韓式生果味為主，喜歡榴槤味的記得食番兩支才走。朋友喜歡吃雪糕雪條，他一個人吃了3支西瓜味、2支豆腐味、1支牛奶味、1支甜筒...（眼見係咁上下）。
Openrice訂位有95折，人均$240，可食足5個鐘，性價比算滿意啦！只是為這食廈平反一次哩！
Post
