啤酒溝燒烤 (Closed)

🍻啤酒溝串燒🍢粗豪中又帶點浪漫嘅名🤣🚉深水埗站A2出口沿鴨寮街行冇幾耐就到。同老闆娘吹咗幾句，原來喺度開咗3個月左右，原本喺紅磡起家，對自己出品好有信心😎咁就會一會你。啲價錢仲平街邊掃街😱叫得「啤酒溝串燒」當然要啤啤佢先🍻🔥燒韮菜$12，燒頂級墨魚丸$15，燒五花腩串$25三串一上菜已經有撲鼻嘅孜然香，但又唔會太over，每樣食材仍然保有自己嘅獨特味道。燒韮菜爽嫰多汁。五花腩燒得乾身，迫哂啲肥油出嚟，唔會膩。🧄蒜蓉燒大聖子$42兩隻，好新鮮彈牙多汁，好似蒸一樣咁嫰滑juicy。🐔串燒雞全翼$12一隻，串燒雞中雞$10兩隻真係平到以為自己眼花，佢燒得比較乾身少少，似wingman嗰隻feel。🐂燒牛肉串$18，🧂鹽燒多春魚🐟$36六條牛肉好嫰，多春魚真係好多春🙈好香脆🍆惹味蒜蓉燒原條茄子$28。之前喺其他串燒舖食過啲蒜太生嘅，呢間就啱啱好，所有味道完美地融為一體。🥓錫紙肥牛金菇🍄🧀燒流心芝士年糕$28食得太多肉，食吓呢樣有啲居酒屋feel嘅小食都唔錯呀金黃炸饅頭$15👧🏻另外，有位好可愛嘅小妹妹（應該係老闆娘嘅愛女）會幫手帶吓客、跟住大人上吓菜，so sweet。