阿太車仔麵 (Closed)

食過好多間車仔麵檔 質素都好普通。今日係牛頭角道見到呢間食車仔麵檔，幾多人食，環境乾淨又企理。意想不到既係，質素都幾好！食得出餐廳有用心去令到平平無奇既一碗車仔麵可以令人覺得好味好有質素😃。自選餸菜亦幾多選擇，揀到我花多眼亂。湯底好夠濃味，係用左好多既豬骨,藥材經八小時製成。湯底入口有濃重既藥材味，而又帶點豬骨既鮮甜味。再加入自製腩汁，令到d麵食落唔會無味。仲選擇揀不同辣程度既自家製辣醬🌶，令到食落更加惹味！經職員推介下，我選擇左：豬紅蘿蔔，豬大腸，魚肉春卷，墨魚丸 米線（BB辣）🍜豬大腸： 好大舊，食落覺得乾淨，唔會有陣腥味。蘿蔔 炆到好腍，索哂d汁，好清甜。朋友個碗：豬皮，牛腩，魚皮餃，豬腸 濃烏冬🍜試左d牛腩食，好有牛味，好煙韌。🤤🦑 自家製醬汁魷魚:用左秘製醬汁腌到好入味，有小小辣，惹味十足！魷魚好爽口彈牙。🍡炸長洲大魚蛋👍大大粒既魚蛋，炸到好香口。炸粉不厚，魚肉鮮味十足，非常彈牙！再沾埋個咖喱醬，😍好味！🥗蠔油生菜🥗🍹港式珍珠奶茶，不會太甜。珍珠煙韌有咬口甜甜的瑞士汁雞翼 😋