Read full review
2015-11-14
875 views
某日同朋友行街，經過亞士厘道一幢商業中心，咁啱行到肚餓就諗住睇下有咩好食。千挑萬選之下終於揀左「響葫蘆」。唔知係咪因為時間尚早，上到去唔算太多客人，初時都擔心會唔會只係一間普普通通嘅日本餐廳，但係食完之後發覺比想像中更有驚喜... 坐低左之後，我同朋友叫左個極上二人餐，當中有好幾個菜式都令我地非常難忘！首先上場嘅係軟殼蟹卷 。軟殼蟹加沙律醬，軟殼蟹就帶有鹹鹹地，而沙律醬就帶有甜味，食落去就好似有兩種感覺同時係個口度出現咁，加上上菜嗰陣，軟殼蟹仲係保持熱同脆，對比起沙律醬同飯嘅質感截然不同，兩者放埋一齊洽到好處 。飯卷上面仲有啲蟹子，佢嘅存在令整個菜式嘅口感更加豐富，可以話係錦上添花！最重要嘅係當你以為軟殼蟹同沙律醬會好膩嘅時候，其實佢地嘅味道就好似一凹一凸咁，互相中和，食晒兩舊都唔會好膩，就算叫多碟都無問題！ 不得不提嘅仲有雞軟骨。開頭以為炸野一定好油，但係同我諗嘅完全係兩回事 。從賣相睇到個雞軟骨唔算好肥膩，但係食落口亦都唔係乾憎憎嘅感覺，可以睇得出廚師好有心思，嘗試令食物好食之餘亦都顧及食客嘅健康 ！個雞軟骨皮脆內軟，食落有少少辣，但係係可以接受嘅程度，辣味令人更加開胃，
坐低左之後，我同朋友叫左個極上二人餐，當中有好幾個菜式都令我地非常難忘！
軟殼蟹卷
15 views
0 likes
0 comments
炸軟骨
15 views
0 likes
0 comments
香蒜一口牛柳粒
11 views
0 likes
0 comments
最後要讚嘅係呢度嘅員工服務態度良好，上菜又有效率，絕對係同三五知己黎把酒言歡嘅好地方！
附上收據一張，等大家可以睇下極上二人餐仲有咩其他正野 ，雖然唔算話十分抵食，但係喺尖沙咀呢啲咁貴嘅地段黎講，性價比都算相當唔錯嫁啦！
Post
