平成二十二日本料理 (Closed)

平時在佐敦行走都沒曾留意到呢間日本料理放題，今次誤打誤撞、見到個樣好似還不錯就入去了。首先被它的宮崎和牛海鮮蒸鍋吸引，猶如最近牽起了熱潮的蒸氣海鮮，講究地按種類把海鮮放進蒸鍋，每種海產都以不同長短的蒸煮時間來煮所以都十分爽滑嫩口，海鮮也挺是新鮮，以呢個價錢吃到蒸氣海鮮係幾化算！呢隻蟹樣貌平平，但肉質鮮甜，蟹拑太硬夾開時要小心；蜆新鮮無沙，份量又多，肉質飽滿，鮮甜帶點鹹需趁熱食不然放涼會腥(店員話)；刺身水平高，三文魚同牡丹蝦夠份量！仲有冷盤小食、天婦羅、煮物、串燒、燒羊架、壽司卷物，種類都不少。整體都不錯，冷盤小食比一般的好食；但煮物的豬軟骨就一點也不軟…這個需改進。另外一讚貼心服務，每枱一隻大碗放海鮮殼、骨頭，耐不耐幫我地清一清，枱面乾淨對於有小小潔癖既我好重要！食得舒服又開心！